Ұсақ әрекет – үлкен мәдениет

Астанадағы кинотеатрлардың бірінде фильм көрсетілімінен кейін көрермендер үлгілі әрекет жасап, өздерінен қалған қоқысты жинап шықты. Бұл туралы елорда әкімдігінің ресми сайтында хабарланды.

Сеанс аяқталған соң залдан шыққан келушілер бос сусын стақандарын, попкорн қаптамаларын және өзге де қоқыстарды арнайы контейнерлерге тастаған. Соның нәтижесінде кино залы таза күйінде сақталған.

«Таза қалада өмір сүргіміз келсе, ең алдымен өзімізден, тіпті осындай ұсақ-түйектен бастауымыз керек», – деді көрермендердің бірі.

Бұл әрекет қоғамдық орындарға ұқыпты қараудың, сондай-ақ кинотеатр қызметкерлерінің еңбегіне деген құрметтің айқын көрінісіне айналды. Мұндай бастамалар жауапты мінез-құлық мәдениетін қалыптастырып, қаланың тазалығы әр тұрғынның саналы ісінен басталатынын көрсетеді.