Қысқы маусымның ортасы болса да, Антальяның қолайлы ауа райы Еуропаның ең таңдаулы әуесқой спортшыларын бір арнаға тоғыстырды, деп хабарлайды Astanalife.kz.
4-8 ақпан аралығында өткен “144 – Question of Honor” турнирі Белектің әлемдегі ең үздік бес гольф бағытының қатарындағы орнын бекемдеді.
GoTürkiye ұйымдастырған ауқымды шара аймақтағы бес жұлдызды кешендердің қысқы кезеңдегі белсенділігіне серпін беріп, спорттық туризмнің ел экономикасына қосар үлесі зор екенін көрсетті.
Антальяның Белек аймағы — жұмсақ климаты мен таңғажайып табиғатының арқасында гольф ойнауға ең қолайлы өңір. Мұнда бес жұлдызды қонақүйлер мен әлемдік деңгейдегі чемпионат алаңдары бір арнаға тоғысқан. Жылына 300 күн шуақ шашатын бұл өлкеде спорттық маусым он айға дейін созылады.
