Тағы да жеңіс: “Осы бала тоқтай ма өзі?”
Біздің Астананың велошабандоздары тағы да дүркіреп қайтты! Бұл жолы алыстағы Филиппиннің Тагайтай деген жерінде өткен Азия чемпионатынан екі бірдей күміс медаль алып келді.
Бірінші жаңалық — юниорлар арасында омниум бағдарламасында Күйтенов Мұрат деген жас жігіт күмісті іліп әкетті. Әлі жас болса да, жүрісі мықты, нағыз болашақ чемпиондардың бірі ғой. Және бұл жай ғана нәтиже емес — Мұрат үшін бұл наурыздағы ЕКІНШІ Азия чемпионаты екен! Айдың басында Сауд Арабиясында өткен жарыста алтын алып, чемпион атанып еді. Қарасаң, “қой, осы бала тоқтай ма өзі?” дегің келеді.
Ал енді ересектерге келсек… Рамис Дінмұхаметов деген тәжірибелі спортшымыз мэдисон дисциплинасында күміс медаль иеленді. Бұл оңай емес қой, мэдисон — командалық, тактикасы да, жылдамдығы да қатар керек. Яғни жай ғана “жүріп шықтым” емес, толық дайындық пен тәжірибе.
Жалпы, бұл чемпионатта 19 елден 300-ден аса спортшы жиналған. Бәсеке дегенің — қайнаған қазан! Соның ішінде біздің астаналықтардың суырылып шығуы — кәдімгідей деңгей көрсеткіші.
Қысқасы, Астананың балалары қарап жатқан жоқ. Бірі алтынды алып, артынан күмісті де іліп жатыр. Ертең біреуі Олимпиададан көрініп жатса, “бұрыннан айтып жүр едім ғой” деп отырамыз әлі.
