Білім
Енді 1-сыныпта баға да, үй тапсырмасы да болмайды
Қазақстанда бастауыш сынып оқушыларына арналған оқу талаптары бекітілген. Оған сәйкес, бірінші сынып оқушыларына үй тапсырмасы берілмейді әрі олардың білімі бағамен бағаланбайды.
Қазақстанда 1-сынып оқушыларына үй тапсырмасын беруге болмайды. Сондай-ақ олар бағасыз жүйемен оқиды. Бұл талап балалардың мектепке жеңіл бейімделуіне және оқу үдерісіне артық күйзеліссіз үйренуіне бағытталған.
Ал бастауыштың басқа сыныптары үшін үй тапсырмасын орындау уақытына шектеу белгіленген:
- 1-сынып – үй тапсырмасы берілмейді, баға қойылмайды;
- 2-сынып – үй тапсырмасын орындауға 50 минутқа дейін;
- 3–4-сыныптар – 70 минутқа дейін.
Сонымен қатар каникул, мереке және демалыс күндеріне үй тапсырмасын беруге тыйым салынған. Бұл талап оқушылардың толыққанды демалуына мүмкіндік береді.
