Спорт
21 шақырым және 10 велосипед: Астанада велошеру өтеді
Астанада Спорт күніне орай жаппай велошеру өтеді. Қатысушылар «Астана орманы» жасыл белдеуі арқылы 21 шақырым жүріп өтеді. Шара соңында қатысушылар арасында 10 велосипед ойнатылады.
8 тамызда елордада Спорт күніне арналған жаппай велошеру ұйымдастырылады.
Қатысушылар «Астана орманы» жасыл белдеуі аумағындағы Қосшы – Үркер бағыты бойынша 21 шақырым жүріп өтеді.
Тіркелу 5 тамыз күні сағат 09:00-де reg.elordasport.kz сайтында басталады. Қатысушылар саны шектеулі, велошеруге 700 адам қатыса алады.
Шерудің басталуы сағат 09:00-де, Қарқаралы көшесі, 23 мекенжайында өтеді.
Қатысу тегін. Велошеру аяқталғаннан кейін қатысушылар арасында 10 велосипед ойнатылады.
