Астана мектептеріне 1,2 млн-нан астам жаңа оқулық жеткізілді
Астанада жаңа оқу жылына дайындық жұмыстары жалғасып жатыр. Биыл елорда мектептеріне оқушыларды қажетті оқу әдебиетімен толық қамтамасыз ету үшін 14 баспадан 1 млн 200 мыңнан астам оқулық пен оқу-әдістемелік кешен сатып алынды.
Қазіргі таңда барлық сатып алынған оқу әдебиеті елордаға толық жеткізіліп, мектептерге таратыла бастады.
Оқулықтарды білім беру ұйымдарына жеткізу бекітілген жоспарға сәйкес жүргізілуде. Негізгі мақсат – оқу жылы басталғанға дейін барлық оқушыны қажетті оқу құралдарымен қамтамасыз ету.
31 тамызға дейін Астанадағы барлық оқушыны оқулықтармен және оқу-әдістемелік кешендермен 100 пайыз қамту жоспарланған.
Осы жұмыстардың нәтижесінде жаңа оқу жылында елордалық оқушылар қажетті оқу әдебиетімен толық қамтамасыз етіліп, сабақтарды ұйымдасқан түрде бастауға мүмкіндік алады.
