30 наурыз уақытша газ берілмейді
30 наурыз күні Астанада газ желілеріне қатысты жоспарлы жұмыстар жүргізіледі. Осыған байланысты бірқатар көшелерде тұратын тұрғындарға алдын ала сақтық шараларын қабылдау ұсынылды.
Қала әкімдігінің мониторинг және жедел әрекет ету орталығының мәліметінше, жаңадан салынған газ құбырларын қолданыстағы жүйеге қосу жұмыстары барысында газ қысымының өзгеруі мүмкін. Бұл өз кезегінде газ есептегіштері мен тұрмыстық жабдықтардың істен шығуына әкелуі ықтимал.
Осы қауіптің алдын алу мақсатында тұрғындарға үйлерінің кіреберісінде немесе сыртында орналасқан авариялық газ крандарын уақытша жабу ұсынылады. Мамандардың айтуынша, бұл қарапайым әрекет жабдықтардың бұзылу қаупін едәуір төмендетеді.
«Жұмыстар аяқталғаннан кейін газ беру қайта қалпына келтірілгені туралы тұрғындарға қосымша хабарлама беріледі», – делінген ресми ақпаратта.
Жоспарлы жұмыстар 30 наурыз күні сағат 09:00-ден 18:00-ге дейін жүргізіледі. Олар келесі көшелерді қамтиды: Басықара батыр, Нұрбесік, Бақтыбай Ақын, Құлтума Ақын, Танжарық, Жолдыұлы, Базарлық, Ақтолқын, Бастаңғы, Сұлама орамы, Ізенді орамы және Болашақ көшелері.
Сондай-ақ мамандар тұрғындарға газ беру толық қалпына келтірілгенге дейін сыртқы крандарды өз бетінше ашпау керектігін қатаң ескертеді. Бұл талапты сақтамау газ есептегіштері мен басқа да құрылғылардың бұзылуына себеп болуы мүмкін.
Қосымша сұрақтар туындаған жағдайда тұрғындар «Qazaqgaz Aimaq» компаниясының авариялық-диспетчерлік қызметіне хабарласа алады. Байланыс нөмірлері: 8 (7172) 55-89-76 және 8 (705) 597-02-04 (WhatsApp).
