30 мыңнан астам бала бірінші сыныпқа қабылданды

Жаңа оқу жылы басталғанға дейін бірінші сыныпқа баратын бүлдіршіндердің саны 35 мыңға жуықтайды деп жоспарланып отыр.

Құжат қабылдау 31 тамызға дейін жалғасады. Ата-аналар өтінішті электронды түрде eGov порталы арқылы немесе тікелей мектепке барып, қағаз нұсқасында тапсыра алады.

Бірінші сыныпқа қабылдау үшін қажет құжаттар:

• ата-анасының немесе заңды өкілінің өтініші;
• №065/у профилактикалық екпелер картасы;
• №052-2/у бала денсаулығының паспорты;
• баланың 3×4 см көлеміндегі цифрлық фотосуреті.

Құжаттарды мектепке қағаз түрінде өткізген жағдайда ата-ананың немесе заңды өкілдің жеке куәлігінің көшірмесі де қажет.

Естеріңізге сала кетейік, Астанада бірінші сыныпқа құжат қабылдау 28 мамырда басталған. Сондықтан баласын әлі мектепке тіркемеген ата-аналарға қажетті құжаттарды өткізуге уақыт бар.