Елордаға ем іздеп келетін туристер көбейді
Халықаралық JCI аккредитациясы бар 9 қазақстандық клиниканың 7-еуі орналасқан Астанада орналасқан. Бұл қаланы елдегі сапалы медицинаның ең ірі орталығы болуына мүмкіндік береді. 2024 жылы елордаға 4 500 медициналық турист келді, бұл 2023 жылмен салыстырғанда екі есе көп, деп хабарлайды елорда әкімдігінің ресми сайты. Жыл соңында осы жылдың көрсеткіштерімен бөлісетін боламыз.
Бүгінде Астана – заманауи инфрақұрылымы, озық технологиялары, білікті мамандары және қолжетімді бағалары бар қала.
Астана – JCI аккредиттелген клиникалар саны бойынша Қазақстандағы көшбасшы қала. Бұл пациенттердің қауіпсіздігін, емдеу хаттамаларының стандартталуын, персоналға қойылатын жоғары талаптарды және рәсімдердің сапасын қамтамасыз етеді.
Тікелей рейстердің болуы және дамыған инфрақұрылым шетелден келетін пациенттерге жолды едәуір жеңілдетеді. Күз-қыс маусымында 18 елмен, жаз айларында 20 елмен әуе байланысы бар. Аптасына 36 қалаға шамамен 250 халықаралық рейс орындалады. 2025 жылдың бірінші жартыжылдығында елордаға халықаралық бағыттар бойынша жолаушылар ағыны 15%-ға өскен.
Бұл көрсеткіш медициналық туризмнің дамуына тікелей әсер етеді, яғни емделу үшін саяхаттау әлдеқайда жеңілдейді.
Астана – өңірдегі жүрек-қан тамырлары медицинасының жетекші орталықтарының бірі. Мұнда аса күрделі операциялардың барлық түрі жасалады, оның ішінде аз инвазивті араласулар, стенттеу, шунттау және туа біткен ақауларды түзету.
Елорданың басты жетістіктерінің бірі – ALEM (Astana Life Ex-situ Machine) аппаратының жасалуы. Бұл құрылғы донорлық органдарды адам денесінен тыс 24 сағатқа дейін сақтауға және емдеуге мүмкіндік береді.
