Астанада референдумды қолдауға арналған концерт өтті
Астана қаласында референдумды қолдауға арналған ауқымды концерт ұйымдастырылып, оған шамамен 10 мыңға жуық адам жиналды. Іс-шара «За Народную Конституцию Справедливого и Прогрессивного Казахстана!» атты Жалпыұлттық коалицияның алғашқы ірі ашық алаңдарының бірі болды.
Концерт қалалық форматтағы еркін кездесу ретінде өтіп, елорда тұрғындарын ортақ мақсат аясында біріктірді. Сахнада танымал өнерпаздар — Raim, Дастан Оразбеков, Bayansulu, Nazzarbeck және Ақтоты Болшова өнер көрсетті.
Музыкалық бағдарламамен қатар коалиция өкілдері Максат Толыкбай, Жаркынбек Амантай, Айкерим Есенали және Акерке Искандерова сөз сөйлеп, Жаңа Конституция жобасының негізгі бағыттарын таныстырды. Олар алдағы референдумның маңызын атап өтіп, әсіресе жастарды дауыс беруге белсенді қатысуға шақырды.
Ұйымдастырушылардың айтуынша, мұндай ашық форматтағы кездесулер қоғаммен тікелей диалог орнатуға және әр азаматтың жеке таңдауы маңызды екенін жеткізуге мүмкіндік береді.
