Саяхат кезінде көпшілік премиум карталарды тек бизнес-залға кіру үшін пайдаланады. Алайда олардың құрамында жиі тегін саяхат сақтандыруы бар екенін бәрі біле бермейді. Мысалы, бір жолаушы Орал → Ақтау бағыты бойынша рейсінің кешігуіне байланысты 500 доллар өтемақы алған.
Мәселе неде?
Көптеген Visa Infinite, Visa Signature немесе Mastercard World Elite деңгейіндегі карталарда саяхат сақтандыруы қарастырылған. Егер рейсіңіз 4–6 сағатқа кешіксе, өтемақы алуға мүмкіндігіңіз бар. Сома мен шарттар банкке байланысты өзгергенімен, көбіне 500 долларға дейін төленеді.
Премиум карталардың көбінде қызмет көрсету ақылы, бірақ кейбірін тегін пайдалануға болады. Мысалы:
– Forte Travel – айына 200 000 ₸ көлемінде төлем жасасаңыз немесе 2 млн ₸ депозит болса, тегін;
– RBK Signature – ай сайын 350 000 ₸ шығын және шотта 250 000 ₸ қалдық болса, тегін қызмет көрсетіледі.
✍️ Өтемақыны қалай алуға болады:
- әуе компаниясынан рейстің кешігуі туралы анықтама алыңыз (әуежайда немесе онлайн);
- Visa/Mastercard консьерж қызметіне немесе банк қолдауына хабарласыңыз;
- өтінішке анықтама мен карта бойынша төлем көшірмесін тіркеңіз.
Маңызды шарттар:
- Сіз рейске міндетті түрде тіркелген болуыңыз керек;
- Билет дәл сол премиум картамен сатып алынуы тиіс;
- Өтемақы тек карта иесіне ғана төленеді.
Қосымша талаптарды банк қосымшасындағы «Сақтандыру» немесе «Премиум қызметтер» бөлімінен көруге болады.
Бұл мүмкіндік — жай бонус емес, сапардағы күтпеген жағдайларда нақты қаржылық қорғаныс.
