Ойық-шұрық жолға қалай шағымдану керек?

Көктемде жол сапасы жиі нашарлап, жүргізушілер үшін қауіп төндіретін шұңқырлар көбейеді. Мұндай жағдайда не істеу керегін білу маңызды.

1️⃣ Жолда қауіпті шұңқыр көрсеңіз:

– Өтінішті e-Otinish сервисі арқылы жіберу ең ыңғайлы. Мұнда өтінішіңіздің қаралу барысын бақылауға болады

– Егер шұңқыр апатты жағдай туғызуы мүмкін болса, 102 немесе 112 нөміріне хабарласыңыз

– Республикалық жолдар бойынша 1403 нөміріне (ҚазАвтоЖол) қоңырау шалуға болады

2️⃣ Егер көлігіңіз шұңқырға түсіп, зақымдалса:

– Оқиға орнынан кетпеңіз

– Авариялық белгі қойып, полицияны (102) шақырыңыз

– Шұңқырды, көлікті және жағдайды фото/видеоға түсіріңіз

– Полиция акт толтырып, шұңқырды себеп ретінде тіркеуі тиіс

– Міндетті түрде хаттаманың көшірмесін алыңыз

3️⃣ Өтемақы қалай алынады:

– e-Otinish арқылы шығынды өтеу туралы өтініш беріңіз

– Жауапты орган: Қазақстан Республикасы Көлік министрлігі Автомобиль жолдары комитеті

– Зиянды бағалатып, кінәлі мекемеге ресми талап (досудебная претензия) жолдауға болады

– Егер өтемақы төленбесе, сотқа жүгінуге болады

⚠️ Маңызды: Көзге көрінбейтін зақым болуы мүмкін, сондықтан тіпті жеңіл соққы болса да, бәрін тіркеп алған дұрыс.

Жолдағы қауіпсіздік – сіздің де, өзгелердің де жауапкершілігі.