Ақ бантик, ақ жейде және LRT: түлектердің ерекше қоштасуы

Астанада №91 мектеп-гимназиясының түлектері соңғы қоңырау қарсаңында LRT вагонында ерекше музыкалық флешмоб өткізді.

Оқушылар Мұхтар Шахановтың «Ақ бантик» әнін орындап, жолаушыларға ерекше әсер сыйлады. Бұл ән көпшілік үшін балалықпен, мектеппен қоштасудың символына айналған.

Ақ жейде киіп, ақ бантик таққан түлектердің әні жолаушылардың көңілін толқытып, вагонда ерекше атмосфера қалыптастырды.

Түлектердің айтуынша, мектеп маңында салынған LRT желісі олар үшін қаланың дамуы мен жаңа кезеңнің белгісі іспеттес.

Ән арқылы оқушылар ұстаздарға алғысын, туған қалаға деген сүйіспеншілігін және болашаққа сенімін жеткізгісі келген.

«Түлектердің мектеп бітіру сәті LRT іске қосылған уақытпен тұспа-тұс келді. Сондықтан осындай ерекше формат ұйымдастыруды жөн көрдік», — деді директордың тәрбие ісі жөніндегі орынбасары Гүлнар Ахметова.

Айта кетейік, биыл Астанада 16 мыңнан астам түлек мектеп бітіреді.