2026 жылы бизнесті қалай жүргізу керек? Бұл жайлы Shanyraq форумда талқылап жатыр
Астанада SHANYRAQ бизнес-форумы өтіп жатыр. Іс-шараға Қазақстанның түкпір-түкпірінен 800-ден астам кәсіпкер мен сарапшы жиналып, бизнесті дағдарыс кезінде сақтап қалу және одан әрі дамыту жолдарын талқылауда.
Астанада кәсіпкерлер мен шағын және орта бизнес өкілдерін біріктірген SHANYRAQ бизнес-форумы өтіп жатыр. Шараға Қазақстанның әр өңірінен 800-ден астам кәсіпкер, компания басшылары мен сарапшылар жиналды.
Биылғы форумның басты тақырыбы – «Дағдарыс кезінде бизнесті қалай сақтап, нарықтан жылдам өсуге болады?». Қатысушылар қаржылық тұрақтылық, сатылым, маркетинг, команда құру, бизнесті масштабтау және басшының жеке бренді туралы тәжірибелерімен бөлісуде.
Форумда кәсіпкерлердің шынайы оқиғаларына да ерекше мән берілген. Спикерлер жетістіктерімен қатар алғашқы табыстары, қаржылық қиындықтары, қателіктері, банкроттықтары мен күрделі шешімдері туралы ашық айтып жатыр.
«Кәсіпкерлерді бір Shanyraq астына жинап, нетворкинг жасап, тек теория емес, практика жайлы сөйлескіміз келеді», — дейді жоба жетекшісі әрі продюсері Маргарита Боярова.
SHANYRAQ форумы Қазақстан бойынша жылдық тур аясында ұйымдастырылуда. Бұған дейін жоба Өскемен мен Қарағандыда өтті. Алдағы уақытта форум Атырау, Шымкент және Алматыда да ұйымдастырылады.
