Астанада 10–11 қазанда Aqtobe Creative Days өтеді
Ақтөбе облысы Астананың тұрғындары мен қонақтарына қолөнер, дизайн, театр, музыка, әдебиет және технология салаларындағы шығармашылық жобаларын таныстырады. Іс-шара республикалық «Creative Aimaq» жобасы аясында ұйымдастырылады.
Бағдарламада «Aqtobe Design» авторлық топтамаларының көрсетілімі, «Алақай» қуыршақ театрының қойылымы, Ақтөбе туралы анимациялық фильм, композитор Серік Закарияның шығармашылық кеші, сондай-ақ «SherTer» және «Жеребе life» жобаларының концерттік бағдарламалары бар.
Екі күн бойы көрме аймақтары жұмыс істеп, онда қолөнер бұйымдары, IT-жобалар мен кітап өнімдері таныстырылады. Келушілер зергерлік өнер, киіз басу, тері өңдеу және дәстүрлі қолөнер бойынша шеберлік сабақтарына қатыса алады.
📍 Өтетін орны: Qazaq Creative Hub, Астана қаласы, Жошы хан көшесі, 16/2
