Токио Қазақстан Президентінің сапарына қалай дайындалып жатыр?
Қазақстан Президентінің Жапонияға ресми сапарына дайындық барысы түсірілген фото және бейнематериалдарды БОРТ №1 Telegram-арнасы жариялады.
Кадрлардан Токионың басты көшелерінде Қазақстанның туы ілінгенін көруге болады. Бұл — Қазақстанның әлемдегі ең дамыған мемлекеттердің бірі саналатын Жапония астанасында айқын көрініс тауып, халықаралық деңгейдегі беделін көрсететін маңызды белгі.
Бұған дейін Ақорданың баспасөз қызметі 18-20 желтоқсан күндері Қазақстан Президенті Қасым-Жомарт Тоқаевтың Жапонияға ресми сапармен баратынын хабарлаған болатын.
Сапар аясында Мемлекет басшысының Император Нарухитомен, Жапония Премьер-министрі Санаэ Такаичимен, сондай-ақ жапондық іскер топ өкілдерімен кездесулері жоспарланған.
Сонымен қатар Қазақстан Президенті «Орталық Азия — Жапония» саммитінің жұмысына қатысады.
