Астанадағы арнайы ХҚКО: жүргізуші куәлігін заңсыз беру ісіне тосқауыл қойды
23–24 қазанда Астана прокуратурасы арнайы ХҚКО қызметкерлері мен делдалдардың 2025 жылы 74 адамға жүргізуші куәлігін заңсыз алуға көмектескенін хабарлады. Қазір заңсыз берілген куәліктердің күші жойылып, іс сотқа жолданған.
Іс бойынша алты адам қамауға алынған, үшеуіне ешқайда кетпеу туралы қолхат берілген, тағы бір адам үйқамаққа алынған.
«Азаматтарға арналған үкімет» мемлекеттік корпорациясы бұл заңбұзушылықтарды өзі анықтап, құқық қорғау органдарына тапсырғанын мәлімдеді.
Корпорацияның хабарлауынша, тергеу барысында барлық қажетті көмек көрсетілген. Сондай-ақ аталған жағдайлар өткен кезеңдерде орын алғаны, сол кезде мемлекеттік қызмет көрсетудің жекелеген процестерінде осал тұстар болғаны атап өтілді.
Мемлекеттік корпорацияның дерегінше, 2026 жылдың 10 айында 1 055 заңбұзушылық анықталған. Былтыр осы кезеңде олардың саны 2 602 болған. Яғни көрсеткіш 59,5%-ға азайған.
