Нипах вирусы: шекарадағы бақылау күшейтілді

Қандай шаралар қабылданды?

• Мемлекеттік шекарадағы барлық өткізу пункттерінде санитариялық бақылау күшейтілді.

• Әсіресе Үндістаннан және Оңтүстік-Шығыс Азия елдерінен келген адамдарға ерекше назар аударылады.

• Медициналық ұйымдар толық дайындыққа келтірілді, қажетті дәрі-дәрмек пен қорғаныш құралдарының қоры бар.

Азаматтарға ұсыныс:

• Эндемиялық елдерге баруды жоспарласаңыз, жеке гигиена мен сақтық шараларын сақтаңыз.

• Елге оралғаннан кейін дене қызуы көтерілсе, бас ауырып, әлсіздік байқалса, дәрігерге барып, қай елде болғаныңызды міндетті түрде айтыңыз.

Нипах вирусы деген не?

• Бұл – жануарлардан адамға жұғатын инфекция.

• Жұғу жолдары: жарқанаттар мен шошқалардан, науқас адаммен жақын байланыста, ластанған тағам мен су арқылы.

• Белгілері: жоғары температура, бас ауруы, әлсіздік, ауыр жағдайда – ми мен өкпенің зақымдануы.

• Арнайы емі мен вакцинасы жоқ, емдеу – тек симптоматикалық түрде жүргізіледі.