Ақпан – қан тапсыру айы: донорларға арналған маңызды ережелер

2 ақпанда Денсаулық сақтау министрі Ақмарал Әлназарова ақпан айын ресми түрде қан тапсыру айы деп жариялады.

Қан тапсыру – көптеген адамның өмірін сақтап қалуға мүмкіндік беретін маңызды іс. Алайда донордың өзі де, реципиент те қауіпсіз болуы үшін белгілі бір ережелерді сақтау қажет.

Донор болуға қойылатын негізгі талаптар

• Жасы 18 жастан кем болмауы тиіс

• Жеке куәлік міндетті түрде өзіңізбен бірге болуы керек

 Қан тапсыруға уақытша болмайтын жағдайлар

• Тұмау, ЖРВИ, дене қызуының көтерілуі

• Антибиотик қабылдағаннан кейін – 14 күн

• Тіс жұлдырғаннан кейін – 10 күн

• Татуировка немесе пирсинг жасатқаннан кейін – 4 ай

 Қан тапсырар алдындағы дайындық

• 72 сағат бұрын: аспирин және анальгетик сияқты дәрі-дәрмектерді ішпеңіз

• 48 сағат бұрын: алкоголь тұтынбаңыз

• 24 сағат бұрын: майлы, ащы, ысталған тағамдардан, сүт өнімдері мен жұмыртқадан бас тартыңыз

• Таңертең: жеңіл таңғы ас (суға піскен ботқа, тәтті шай, құрғақ печенье)

• 2 сағат бұрын: шылым шекпеңіз

• 5–10 минут бұрын: тәтті шай ішіңіз

Қан тапсырғаннан кейін

• 5–10 минут: отырып демалыңыз, бас айналса медицина қызметкеріне хабарлаңыз

• 2 сағат: шылым шекпеңіз

• 3–4 сағат: таңғышты шешпеңіз, су тигізбеңіз

• 24 сағат: ауыр физикалық жүктеме мен алкогольден аулақ болыңыз

• 48 сағат: дұрыс тамақтанып, көп сұйықтық ішіңіз

• 14 күн: вакцина салдырмаңыз

• 2–3 айдан кейін: қайтадан қан тапсыруға болады

Астана қаласы бойынша қан тапсыру орындары

• Керей Жәнібек хандар көшесі, 10
   күн сайын 08:00–17:00

• Ә. Молдағұлова көшесі, 33 
  жұмыс күндері 08:00–17:00