✈️ Air Astana-да «Жас Қыран» атты керемет бағдарлама бар екенін білесіз бе?
Егер балаңыз спортпен, музыкамен кәсіби деңгейде айналысса немесе халықаралық олимпиадаларға, байқаулар мен жарыстарға қатысса, оған барып-қайтуға тегін әуе билетін алуға мүмкіндік бар.
Ең қызығы, тегін билет баламен бірге жүретін бір адамға да беріледі. Ол ата-анасы, жаттықтырушысы немесе мұғалімі болуы мүмкін.
Бағдарлама 7–18 жас аралығындағы балалар мен жасөспірімдерге арналған.
Бұл әсіресе спорттық жарыстар мен шығармашылық байқауларға жиі қатысатын балалардың ата-аналары үшін пайдалы мүмкіндік.
📌 Маңызды шарттар:
- Өтінім мен қажетті құжаттарды іс-шараға дейін кемінде 2 ай бұрын жіберу керек.
- Өтінімдер ай сайын 1–25 аралығында қабылданады.
- Өтінімді мына электрондық поштаға жіберу қажет: zhaskyran@airastana.com
Балаңыздың жетістіктері жаңа мүмкіндіктерге жол ашсын!
