Елордадағы Қазақстан Республикасының Ұлттық музейінде бельгиялық суретші Джеймс Энсордың шығармашылығына арналған «Маска мен шынайылық арасында» атты көрме өтіп жатыр.
Экспозиция XIX ғасырдың соңы мен XX ғасырдың басындағы еуропалық өнердің дамуына ықпал еткен суретшінің туындыларымен таныстырады.
Көрмеде маскалар, карнавал көріністері, қаңқалар мен гротескілік кейіпкерлер бейнеленген жұмыстар ұсынылған. Суретші осы образдар арқылы адамның болмысы, қоғамдағы рөлі және сыртқы бейне мен ішкі дүниенің арасындағы қайшылықтарды зерттеген.
Көрмені 2027 жылғы 13 қаңтарға дейін тамашалауға болады. Бірнеше залдан тұратын экспозицияны аралауға шамамен 2–4 сағат қажет.
Іс-шара туралы:
Күні: 3 қараша 2026 жыл
Көрме мерзімі: 14 қазан 2026 – 13 қаңтар 2027 жыл
Өтетін орны: Қазақстан Республикасының Ұлттық музейі
Мекенжайы: Тәуелсіздік даңғылы, 54
Билет құны: 500 теңгеден бастап
